Rəcəb Ayının Birinci Gecəsi Əməlləri

1

Hilal Görəndə Oxunacaq Dua

Peyğəmbərimiz (s) Rəcəb ayının hilalını görəndə bu duanı oxuyardı:

اللَّهُمَّ أَدْخِلْهُ عَلَيْنَا بِالأَمْنِ وَالإِيمَانِ، وَالسَّلامَةِ وَالإِسْلامِ، رَبِّي وَرَبُّكَ اللهُ

Tərcüməsi: "Ey Allahım, bizi əmin-amanlıq, iman, salamatlıq və İslam ilə bu aya daxil et. Mənim və sənin (ey Rəcəb ayı) Rəbbin izzətli və cəlalətli Allahdır."

Həmçinin buyurardı:

اللَّهُمَّ بَارِكْ لَنَا فِي رَجَبَ وَشَعْبَانَ، وَبَلِّغْنَا رَمَضَانَ، وَأَعِنَّا عَلَى الصِّيَامِ وَالْقِيَامِ، وَحِفْظِ اللِّسَانِ، وَغَضِّ الْبَصَرِ، وَلا تَجْعَلْ حَظَّنَا مِنْهُ الْجُوعَ وَالْعَطَشَ

Tərcüməsi: "Ey Allahım! Rəcəb və Şaban aylarını bizim üçün mübarək et və bizi Ramazan ayına çatdır. Oruc tutmaqda, gecə ibadəti etməkdə, dili və gözü qorumaqda bizə kömək et. Bu aydan bizim bəhrəmizi ancaq ac qalmaq və susuz qalmaq etmə."

2

Qüsl (Boy Abdəsti) Almaq

Mərhum Seyid ibn Tavus "İbadat" kitablarında Peyğəmbərimizdən (s) belə bir hədis nəql edir:

مَنْ أَحْيَا لَيْلَةَ أَوَّلِ مِنْ رَجَبٍ وَوَسَطِهِ وَآخِرِهِ، بِغُسْلٍ فِي كُلِّ لَيْلَةٍ مِنْهَا، غَفَرَ اللَّهُ لَهُ ذُنُوبَهُ، وَخَرَجَ مِنْ ذُنُوبِهِ كَيَوْمَ وَلَدَتْهُ أُمُّهُ

Tərcüməsi: "Kim Rəcəb ayını idrak etsə və onun əvvəlində, ortasında və axırında qüsl etsə, Allah onun günahlarını təmizləyər. O şəxs, anadan yeni doğulmuş kimi olar."

Fəziləti

Bu qüslü edən şəxs bütün günahlarından təmizlənərək anadan yeni doğulmuş uşaq kimi olar. Günəş doğandan əvvəl etmək daha fəzilətlidir.

3

İmam Hüseyni (ə) Ziyarət Etmək

Bu gecə İmam Hüseyni (ə) ziyarət etməyin böyük savabı vardır.

Əhəmiyyəti

Kərbəlaya gedə bilməyənlər üçün uzaqdan ziyarət (ziyarətnaməni oxumaq) də məqbuldur. Bu ziyarət İmam Hüseynin (ə) şəfaətinə səbəb olar.

4

Məğrib Namazından Sonra 20 Rəkət Namaz

Qılınma üsulu: Hər 2 rəkətdə bir salam verilir (cəmi 10 salam). Hər rəkətdə:

1 dəfə "Fatihe" surəsi
1 dəfə "İxlas" surəsi oxunur.

Fəziləti - Peyğəmbər (s) buyurur:

"Kim bu namazı qılsa, Allaha and olsun ki, özü, ailəsi, malı və övladları qorunar, qəbir əzabından ona pənah verilər... Qiyamət günündə surətlə (çevikliklə) Sıratdan keçər."

5

İşa Namazından Sonra 2 Rəkət Namaz

Qılınma üsulu:

Birinci rəkət: "Fatihe"dən sonra 1 dəfə "İnşirah" və 3 dəfə "İxlas" surəsi.
İkinci rəkət: "Fatihe"dən sonra 1 dəfə "İnşirah", 1 dəfə "İxlas", 1 dəfə "Fələq" və 1 dəfə "Nas" surəsi.

Salamdan sonra: 30 dəfə "La ilahe illallah" və 30 dəfə Salevat deyilir.

Fəziləti - Peyğəmbər (s) buyurur:

"Kim bu namazı qılsa, Allah onun günahlarını bağışlayar və o, günahdan pak olar."

6

30 Rəkət Namaz (Nəfəl)

Qılınma üsulu: Hər 2 rəkətdə bir salam verilir (cəmi 15 salam). Hər rəkətdə:

"Fatihe"dən sonra 1 dəfə "Kafirun" surəsi
3 dəfə "İxlas" surəsi oxunur.

Fəziləti - Peyğəmbər (s) buyurur:

"Əgər mömin kişi və ya qadın bu namazı qılsa, Allah onun bütün kiçik və böyük günahlarını bağışlayar, onun adını Qiyamətədək 'namaz qılanlar'ın siyahısında yazar və o, münafiqlikdən (ikiüzlülükdən) pak olar."

7

Gecəni Oyadıq Qalıb İbadətlə Məşğul Olmaq

Şeyx Tusi "Misbahul-Mütəhəccid"də qeyd edir ki, İmam Sadıq (ə) əcdadı Əmirəl-Möminin Əlidən (ə) belə nəql edir:

كَانَ أَمِيرُ الْمُؤْمِنِينَ (ع) يُحِبُّ أَنْ يُفْرِدَ أَرْبَعَ لَيَالٍ فِي السَّنَةِ يَخْلُو فِيهِنَّ لِلْعِبَادَةِ: لَيْلَةُ أَوَّلِ رَجَبٍ، وَلَيْلَةُ النِّصْفِ مِنْ شَعْبَانَ، وَلَيْلَةَ الْفِطْرِ، وَلَيْلَةَ الْأَضْحَى

Tərcüməsi: "O həzret ilin dörd gecəsini hər işi kənara qoyub ibadətlə məşğul olmağı sevərdi: Rəcəb ayının birinci gecəsi, Şaban ayının on beşinci gecəsi, Fitr və Qurban bayramlarının gecələri."

Başqa bir hədisdə İmam Sadıq (ə) buyurub:

اجْتَهِدُوا فِي لَيْلَةِ الْفِطْرِ وَلَيْلَةِ الْأَضْحَى وَلَيْلَةِ أَوَّلِ رَجَبٍ أَنْ تَكُونَ لَكُمْ سَهَرَةٌ بِالْعِبَادَةِ

Tərcüməsi: "Çalışın ki, Fitr və Qurban bayramlarının gecələri, Rəcəb ayının birinci gecəsi oyaq qalıb ibadət edəsiniz."

8

İmam Cəvadın (ə) Duasını Oxumaq

İmam Cəvad (ə) buyurmuşdur: "Müstəhəbdir ki, insan Rəcəb ayının birinci gecəsi bu sözlərlə dua etsin."

اللَّهُمَّ إِنِّي أَسْأَلُكَ بِأَنَّكَ مُلْكٌ، وَأَنَّكَ عَلَى كُلِّ شَيْءٍ قَدِيرٌ، وَأَنَّكَ مَا شِئْتَ كَانَ. اللَّهُمَّ إِنِّي أَتَوَجَّهُ إِلَيْكَ بِنَبِيِّكَ مُحَمَّدٍ صَلَّى اللَّهُ عَلَيْهِ وَآلِهِ نَبِيِّ الرَّحْمَةِ. يَا مُحَمَّدُ، يَا رَسُولَ اللَّهِ، إِنِّي أَتَوَجَّهُ بِكَ إِلَى اللَّهِ رَبِّكَ وَرَبِّي لِيُنْجِحَ بِكَ طَلِبَتِي. اللَّهُمَّ فَأَنْجِحْ بِمُحَمَّدٍ صَلَّى اللَّهُ عَلَيْهِ وَآلِهِ وَبِأَئِمَّةِ الْهُدَى مِنْ آلِهِ طَلِبَتِي

Tərcüməsi: "Ey Allahım! Səndən istəyirəm, çünki Sən hökmdarsan, hər şeyə qadirsən və istədiyin olur. Ey Allahım! Rəhmət Peyğəmbəri olan Peyğəmbərin Məhəmməd (s) vasitəsilə Sənə üz tuturam. Ey Məhəmməd! Ey Rəsulullah! Mən sənin vasitənlə sənin və mənim Rəbbim olan Allaha üz tuturam, ta sənin vasitənlə öz istəyimə çatım. Ey Allahım! Peyğəmbərin Məhəmməd (s) və onun xanədanından olan imamların (ə) haqqına xatir istəyimi həyata keçir."

Qeyd: Duanın sonunda öz xüsusi həcətinizi Allaha ərz edin.

Rəcəbin Birinci Gecəsi Əməlləri